www.dieterdegroot.com

Effe Veursjtèlle:

 

Atteljee de Groot, ouch waal 'De Beeldemaekeriej' geneump, ies gevestig in 't oud illektriekbewakingsgeboew van de vreuger koel 'Julia' in Kèrkrao.
Ein aaneinsjakeling van liechte en ruum lokale vorme d'n achtergrónd van de werkplaats van beeldend kunstenaer Dieter de Groot.

De aktiviteite van 't atteljee zint in drie hoofgroepe te verdeile:
 

- Eige werk: In bróns gegaote gedachtes woa-in, gans in eige sjtiel, ziene perseunleke kevoek en zien betrokkenheid tot oetdrökking waere gebrach.

- Opdrachte: Brónze beelde, portrètte, plakètte, óntwerpe en dergeleke, in opdrach van bedrieve, insjtèllinge en parteklere.

- Kurzusse / 'Wäörksjops': Sjtartende en miè gevorderde kurzieste oet de Euregio, die ziech op 'n kreatieve meneer wille ute ónder de perseunleke begeleiding van Dieter de Groot.
 
Dieter sjpeelde es kind al mèt verf en klei en dat mèt wiesselend suukses. Hae besjloot nao de puberteit diffenetief veur ein karrière in de kuns.
Nao versjeije jaore op zeuk te zin gewaes nao zien persoonsgebónge utingsvorm, woabie hae allerlei kurzusse en 'wäörksjops' volgde, laep hae vas.
 
Op aandringe van ziene mentor besjloot Dieter zie motto;'Ein wil roas ies sjoaner es 'n gekweekde.', te laote vare en melde hae ziech aan veur 'n akkedemiese opleiding.
 
't Woort de Akkedemie veur Toegepasde Kuns in Mestreech en waal de riechting 'Monnementaal sjildere'.Anderhauf jaor later verleet 'r de akkedemie.
Hae waor tot 't inziech gekómme wat zien woar utingsvorm waor.
Natuurlek waor 't datgenige woa Dieter mèt waor begoes . . . . . . de klei !